monumenta.ch > Hieronymus > sectio 2 > csg48.300 > csg75.840 > bsbClm6224.136 > uwbM.p.th.f.12.72 > sectio 6

Word Selection for Searching

Report an Error in this Sectio
Seneca Maior, Controversiae, 7, 1, 6
BLANDI. Iacebat in litore navigium, quod etiam integrum infeliciter vexerat. Credam parricidam, si tibi proficiscenti navigium suum reddidit. Subito mihi non sentienti ferrum cum animo pariter excidit: torpent manus, et nescio qua perturbatione tenebrae stupentibus offunduntur oculis. intellexi, quam difficile esset parricidium facere, etiam quod imperaret pater. Ita mihi, quae sola miseros in domo nostra respicis, Fortuna, succurras, ita mihi contingat aut honeste vivere aut mori, ita ex domo nostra ego sim ultimus reus, ut ille iurabat meliorem se novercam habuisse quam fratrem.